您的位置:
主页 > P惠生活 >【轮证赢家】新上市贴价牛啱Day trade用 >

【轮证赢家】新上市贴价牛啱Day trade用

阅读943| 发布: 2018-01-23 15:16 | 点赞: 779

【轮证赢家】新上市贴价牛啱Day trade用放大图片

噚日拣咗只恒指牛(54953)出嚟,朝早10点零嗰转入唔到,唯有继续等,等到临收市前半个钟,恒指5分钟图见到SlowSTC(14,3)落到超卖水平,係无朝早个超卖咁靓嘅,但呢位都算叫做靓嘅,不过就要有过夜嘅準备。呢个时候按(54953)高低位做过$0.082/$0.079,平均买入价就係$0.0805。

今朝大家关注嘅应该係Apple部新机iPhone 11个spec係咩,同埋卖几多钱,三镜头嘅Pro同Pro Max 64GB售价10000蚊有找,比起上一批新机嘅新价好似平咗啲。研究完一轮之后望望个钟,恒指已经做完U盘,準备开市啦,开报26790点,升107点。不过开市无耐就见大市似乎想行高开低收嘅走势,(54953)都係收队稳阵啲,以开市首10分钟走人计,(54953)高低位做过$0.091/$0.086,平均卖出价就係$0.0885,赚幅都接近10%。

Miss咗嘅都唔太紧要,依家10点23分时恒指升幅收窄至升63点,做紧26747点,而(54953)证价做紧$0.085,不过见恒指5钟图SlowSTC(14,3)开始有掉头回落嘅迹象,出货嘅可能要等下一个机会。

如果今朝一早走咗/未买到嘅又点?开恒指牛熊证街货图睇,上方熊证最贴价仍然都係26800至26899点,呢度有相当于110张期指,比噚日少咗264张,无他嘅,见到个市慢升杀熊咁款,仲唔走人咩。走去边?一係就将熊仔防守线退到去27000至27299点,係呀,点数大位呀,亦都係重货位嘛;又或者掉转枪头,加入牛军,驻守25800至25899点重镇(重货区),呢度有1158张期指,真係非常吸引,好彩嘅係,牛证同现价(10点33分mark 26791点计)有逾800点差距。

「再博牛证再上杀熊咪得啰」,走势上係可以嘅,唯一要小心嘅係今日恒指粒烛有啲偏离少少保历加通道顶(26966点);再加埋天线出嚟睇嘅话,大家都要小心条50天线(27025点)。而除咗熊证近又多货呢一个吸引力之外,目前见保历加通道唔止个口拓阔,而係整条通道都向上运行中。

今日终于有再贴价啲嘅恒指牛出场,进取嘅可以考虑(55234),收回价26523点,同现价有逾200点差距,而同一收回价之中佢仲要最高槓桿,有约78.68倍,所以仅适合短炒之用,勿过夜;安全嘅可以睇远少少嘅牛证,如(55317),收回价26288点,同现价有逾450点差距。用返一贯落场嘅方法就OK啦。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家

相关文章


申博sunbet代理|专业生活服务资讯|生活更加精彩|促进生活情感|网站地图 申博官网备用网址_新濠天地老总 申博官网备用网址_大发app登录